अत्तरियाः जिल्ला प्रहरी कार्यालय कैलालीको कमान्ड अब प्रहरी उपरीक्षक (एसपी) नरेन्द्र चन्दले सम्हालेका छन्।
आइतबार कैलाली आइपुगेका चन्दलाई प्रहरी नायब उपरीक्षक (डीएसपी) राजकुमार सिंहसहित अन्य प्रहरी कर्मचारीले स्वागत गरेका थिए। स्वागतपछि उनले कार्यालयमा हाजिर हुँदै आजैदेखि औपचारिक रूपमा पदभार ग्रहण गरेका छन्।
हालै कैलाली कारागारमा देखिएको सुरक्षा कमजोरीका कारण तत्कालीन एसपी बाल नरसिंह राणालाई प्रहरी प्रधान कार्यालयले फिर्ता बोलाएको थियो। त्यसपछि चन्दलाई नयाँ जिम्मेवारी दिइएको हो।
प्रतिक्रिया जनाउनुहाेस्
