लोड हुदैछ

Type to search

जानकारी

नयाँ घर निर्माण गर्दै हो भने : थाहा पाउनुहोस – वाश्तुविद् डा. माधवमङ्गल भन्नुहुन्छ … पुरा पढ्नुहोस अत्यान्तै काम लाग्छ

प्राकृतिक ऊर्जा सन्तुलनसँग सम्बन्धित वास्तु विज्ञानको यस शृंखलामा यसअघि हामीले प्रकृतिक ऊर्जा तथा सोको सन्तुलन, जग्गाको मोहडा, प्रवेशमार्ग तथा प्रवेशद्वार आदिसँग सम्बन्धित विविध विषयमा चर्चा गरिसकेका छौं । यसै क्रममा यसपटक जग्गा वा प्लटको कुन दिशामा घर÷भवन निर्माण गर्दा अधिकतम प्राकृतिक ऊर्जा ग्रहण तथा कायम गरेर वास्तुबाट सम्भाव्य फाइदा बढीभन्दा बढी लिन सकिन्छ भन्ने यहाँ उल्लेख गर्न खोजिएको छ ।

हुन त बाटो, प्लटको मोहडा, त्यसको प्रवेशमार्ग वास्तुअनुरुप मिलेपछि उक्त जमिनमा भवन जता बनाए पनि वास्तु लाभ पाइहालिन्छ नि भन्ने धारणा पनि आउन सक्ला । यो केही हदसम्म सही पनि हो । तर, यस विज्ञानले सुझाएका समग्र विधिको एकमुष्ट संयोजन तथा कार्यान्वयन गर्न सके मात्र वास्तुअनुरुपको अधिकतम लाभ लिन सकिन्छ ।

त्यसो भए अब जग्गा (प्लट)को कुन भाग वा दिशामा बनाउने त भवन ? यसका लागि पुनः एकपटक प्लटका दिशाहरु बुझौं । वास्तुमा आठैवटा दिशालाई महङ्खव दिइन्छ । यी दिशा वा कोणको यकिनका लागि ९ खण्डमा विभाजन गरेर ८ दिशा अनुसरण गरिएको छ । जसअनुसार बीचका छुट्टाछुट्टै भागहरुमा पर्ने मात्र पूर्व, पश्चिम, उत्तर र दक्षिण हुन्छन् । यसका अतिरिक्त इशान, नैर्ऋत्य, वायव्य र आग्नेय गरी थप चार अन्य दिशाहरु पनि रहेका छन् (हेर्नुहोस् तस्वीरमा) । यी आठै दिशाको निर्धारण कम्पासका आधारमा गरिन्छ, न कि घाम उदाउने÷अस्ताउने अनुसार । अर्थात्, कम्पासको प्रयोगका आधारमा कति डिग्रीदेखि कति डिग्रीसम्म आठमध्ये कुन दिशा हो भन्ने छुट्ट्याइन्छ ।

कम्पासअनुसार उत्तर भनेको केन्द्रबिन्दु अर्थात् शून्य वा ३६० डिग्री हो, जुन ३३७.५ डिग्रीदेखि २२.५ डिग्रीसम्म पर्छ । त्यस्तै, २२.५ देखि ६७.५ डिग्रीसम्म इशान, ६७.५ देखि ११२.५ डिग्रीसम्म पूर्व, ११२.५ देखि १५७.५ डिग्रीसम्म आग्नेय, १५७.५ देखि २०२.५ डिग्रीसम्म दक्षिण, २०२.५ देखि २४७.५ सम्म नैर्ऋत्य, २४७.५ देखि २९२.५ डिग्रीसम्म पश्चिम र २९२.५ देखि ३३७.५ डिग्रीसम्म वायव्य कोण हुन्छ । (हे. तस्वीर)

घर बनाउने उपयुक्त दिशा

दिशाको बारेमा जानकारी भइसकेपछि घर÷भवन बनाउनुपर्ने उपयुक्त कोण पहिचान गर्न सहज हुन्छ । घर बनाउँदा जहिल्यै पनि सकेसम्म जग्गाको नैऋत्य (दक्षिण–पश्चिम) मा बनाउनु सबैभन्दा उत्तम हुन्छ । यसको अर्थ यो कोण च्यापेर बनाउने भनेको होइन । किनकि घरको चारैतिर झ्याल राख्न सकियो भने राम्रो हुन्छ । एउटा दिशामा च्यापेर बनाउँदा त्यता झ्याल राख्ने ठाउँ नहुन पनि सक्छ । यसैले सम्पूर्ण जग्गाको दक्षिण–पश्चिमतिर बनाउँदा सबैभन्दा उत्तम हुन्छ भन्ने हो ।

यसको कारण – उत्तरबाट आउने जियोम्याग्नेटिक इनर्जी (भूचुम्बकीय ऊर्जा वा वेल्थ इनर्जी) र पूर्वबाट आउने प्राणिक वायु (लाइफ फोर्स वा हेल्थ इनर्जी) प्टलमा सहजै आउन र घरमा बढीभन्दा बढी सञ्चित भएर बस्न सकोस् । किनकि ती दुई इनर्जी प्लटमा प्रवेश गरेर एउटा बिन्दुमा मेल भएर आएपछि (बायो इलेक्ट्रोम्याग्नेटिक इनर्जी) प्रसार भएर जाने ठाउँ प्लटको दक्षिण–पश्चिम हो । यसकारण यही दिशामा घर बनाइयो भने सवैभन्दा महङ्खवपूर्ण हुने बायो इलेक्ट्रोम्याग्नेटिक इनर्जी हामीले पूरा पाउँनेछौं ।

यसरी नैऋत्यमा मिलाएर घर बनाइएको छ भने त्यसले दिने वास्तु लाभको अंक १० मा १० नै हो । यस्तै, दोस्रो उत्तम दक्षिण कोण हो जुन १० मा ९ राम्रो भनिन्छ । यसपछि क्रमशः पश्चिममा बनाउँदा १० मा ८ र दक्षिण–पूर्वमा ६ अंकबराबर मानिन्छ । यी चारवटा दिशा लाभको अंकभारका आधारमा क्रमशः राम्रा हुन् । वायव्य कोण (उत्तर–पश्चिम) सम्म मध्यम हो । यसलाई ५ अंकभार दिइएको छ ।

यसबाहेक अन्य कोणहरुमा भवन बनाउनु उपयुक्त हुँदैन । यसमध्ये पनि इशान (उत्तर–पूर्व) कोण सबैभन्दा खराब मानिन्छ । यो कोणमा घर बनाउँदा पाइने वास्तुलाभ शून्य (०) बराबर हुने मानिएको छ । किनकि उत्तरबाट आउने जियोम्याग्नेटिक इनर्जी (भूचुम्बकीय ऊर्जा) र पूर्वबाट आउने प्राणिक वायु (लाइफ फोर्स वा हेल्थ इनर्जी) जग्गामा प्रवेश गर्ने कोण नै यही हो । यसैले यही कोणमै घर बनाइदिँदा उक्त इनर्जी जग्गामा छिर्ने बाटो नै छेकिन्छ, अथवा घरमा ठोक्किएर फर्किएर जग्गाबाहिर जान्छ । यी दुई इनर्जीको मेल भएर बायो इलेक्ट्रोम्याग्नेटिक इनर्जी उत्पन्न हुन अवरोध सिर्जना हुनेछ । प्राकृतिक ऊर्जाबाट अधिकतम वास्तु लाभ लिनका लागि बायो इलेक्ट्रोम्याग्नेटिक इनर्जी सिर्जना भएर प्लटमा राम्ररी फैलनु आवश्यक हुन्छ ।

उत्तरलाई पनि २ अंकभार मात्र दिइएको छ । किनकि यो दिशामा घर बनाउँदा ‘म्याग्नेटिक इनर्जी’ जग्गाभित्र आउने बाटो अवरोध हुन्छ, अर्थात् जग्गाभित्र आउनै नपाई घरमा ठोक्किएर बाहिर जान्छ । मस्तिष्कले राम्ररी काम गर्नका लागि म्याग्नेटिक इनर्जी अत्यावश्यक छ । यो इनर्जी प्रवाहमा व्यवधान भए मस्तिष्कले चुस्त रुपमा काम गर्न नसक्ने र ‘डिसिजन मेकिङ’ राम्ररी गर्न नसकिने हुँदा कामहरुमा असफल हुने सम्भावना बढ्छ । यसकारण प्लटको उत्तरमा घर बनाइएको अवस्थामा आयस्रोत कम हुनेछ । त्यस्तै, पूर्वबाट ‘हेल्थ इनर्जी’ आउने हुँदा यो कोणमा घर बनाउँदा उक्त इनर्जी आउन छेकिन्छ । यसैले पूर्वीकोणमा घर बनाउँदा ‘हेल्थ इनर्जी’ छेकिने भएकाले त्यस्तो घरमा बस्ने व्यक्तिको स्वास्थ्यमा समस्या आइरहने सम्भावना रहन्छ । अतः प्लटको पूर्वमा पनि घर बनाउनु अनुपयुक्त हो ।

यसरी सरसर्ती हेर्दा जतिजति दक्षिण–पश्चिम कोणसँग तालमेल मिलाएर घर बनायो उक्त घरमा बस्ने व्यक्तिको उत्तरबाट आउने चुम्बकीय ऊर्जाका कारण आर्थिक स्रोत राम्रो हुने र पश्चिमबाट आउने हेल्थ इनर्जीका कारण स्वास्थ्य सुदृढ हुने सम्भावना बलियो हुन्छ । यी कोणभएर घर बनाएर उत्तर र पूर्व दुवैतर्फबाट प्रवेशद्वार (गेट) राख्न सकिने हुँदा ‘वेल्थ इनर्जी’ र ‘हेल्थ इनर्जी’ दुवै जग्गामा राम्रोसँग प्रवाह भएर आउन पाउनेछ । जतिजति यसविपरीत कोणमा घर बनायो त्यति नै यी दुई इनर्जी कम–कम भएर जानेछ ।

Leave a Comment

Your email address will not be published. Required fields are marked *