चीन र भारतको मागले सुनको मूल्य उकालो

Null

काठमाण्डौँ, पुस २६ । चीन र भारतको पर्व–मागका कारण यो वर्ष सुनको मूल्य ६ प्रतिशतले उकालो लागेर प्रतिऔंस १ हजार २ सय ४५ डलर कायम हुने देखिएको छ ।

आरबीसी क्यापिटल मार्केटका अनुसार पछिल्लो कारोबारमा सुन प्रतिऔंस १ हजार १ सय ७६ डलरमा कारोबार भएको छ । आगामी वर्ष सुनको मूल्य प्रतिऔंस १ हजार ३ सय डलर पुग्ने आरबीसीमा रहेका सुन रणनीतिकार क्रिस्टोफर लाउनीले बताए ।

भारतमा विवाह र तिहारजस्ता पर्वमा गरगहना, सिक्का र अन्य उपहारका लागि सुनको व्यापक माग हुँदै आएको छ । भारतमा यस किसिमको पर्व विशेष गरी मध्यअक्टोबरदेखि वर्षको अन्त्यसम्म हुने गरेको छ ।

पछिल्लो समय सुन खपतमा चीनले भारतलाई उछिन्न थालेको छ । मौसमी मागमा चीनले भारतलाई उछिनेको हो । जनवरी र फेबु्रअरीमा पर्ने लुनार नयाँ वर्ष र भ्यालेन्टाइन डेका कारण चीनमा उपहार दिनका लागि सुनको माग उच्च हुने गरेको छ ।

अमेरिकामा सुनको सिक्काको मागले अघिल्लो वर्षको मागलाई पनि उछिनेको छ । चीनमा सुनको कारोबार लगातार उच्च रहँदै आएको छ । यद्यपि यसले विगतका वर्षहरूमा भएको मागलाई उछिन्न सकेको छैन । -कारोबार दैनिक

Null

कमेन्ट्स गर्नुहोस्

कमेन्ट्स

Recommend to friends
  • gplus
  • pinterest

Leave a comment